Qərar partiyanın IX qurultayında qəbul olunub, dövlət agentliyi bunu tarixi qiymətləndirmə adlandırıb...
Poliqon xəbər verir ki, Koreya Xalq Demokratik Respublikasının lideri Kim Çen In Koreya Əmək Partiyasının baş katibi vəzifəsinə yenidən seçilib. Müvafiq qərar partiyanın IX qurultayında qəbul edilib.
Mərkəzi Teleqraf Agentliyi, ЦТАК-ın yaydığı məlumata görə, bu qərar son beş ildə aparılan mübarizənin və əldə edilən nəticələrin “tarixi qiymətləndirilməsi” kimi təqdim olunub. Agentliyin məlumatında bildirilir ki, bu addım Kim Çen Inın rəhbərliyi altında qazanılmış nailiyyətlərin təsdiqi və bütün xalqın iradəsinin ifadəsidir.
Rəsmi açıqlamada qeyd olunub ki, qəbul edilən qərar xalqın seçimini və mövqeyini özündə əks etdirən məsuliyyətli və təntənəli ifadədir. Dövlət mediası Kim Çen Inı ölkənin davamlı qələbələrinin simvolu kimi təqdim edib.
Kim Çen In 2011-ci ildən etibarən ölkəyə rəhbərlik edir. O, əvvəlki qurultayda da partiyanın ali vəzifəsinə seçilmişdi. Həmin qurultay 2021-ci ilin yanvar ayında keçirilmişdi.
Qeyd edək ki, Koreya Əmək Partiyası ölkənin əsas siyasi qüvvəsi hesab olunur və dövlət idarəçiliyində həlledici rol oynayır. Partiya qurultayları isə strateji kursun müəyyənləşdirilməsi və rəhbərliyin formalaşdırılması baxımından mühüm əhəmiyyət daşıyır.
Poliqon.info
