Premyer Liqa: “Qəbələ” “Turan”a böyük hesabla uduzdu

Bu gün futbol üzrə Azərbaycan çempionatının (Premyer Liqa) 2025/26 mövsümünün 14-cü turundan təxirə salınmış bir oyun keçirilib.

Arena.az xəbər verir ki, günün yeganə oyunu “Qəbələ” ilə “Turan Tovuz” arasında baş tutub.

Qəbələ şəhər stadionunda keçirilmiş görüşü Cavid Cəlilov idarə edib.

“Qəbələ” ölkə çempionatının 21 turundan sonra 15 xalla 12 iştirakçı arasında 10-cu sırada qərarlaşmışdı. “Turan Tovuz” isə 37 xalla 3-cü idi. Hər iki komanda qalib gələcəyi halda indiki mövqeyində qalacaqdı.

Görüş Tovuz təmsilçisinin inamlı qələbəsiylə yekunlaşıb. Qonaqlar 3 xalı 3 cavabsız qolla qazanıblar.

Xatırladaq ki, bu oyun ötən ilin sonlarında əlverişsiz hava şəraiti səbəbindən yarıda qalmışdı.

Azərbaycan, Premyer Liqa
14-cü turun oyunu
24 fevral

“Qəbələ” – “Turan Tovuz” 0:3
Qollar: Alexandro Serrano, 9. Filip Ozobiç, 18. Seydina Keyta, 47-öz qapısına.
Hakimlər: Cavid Cəlilov, Kamran Bayramov, Müslüm Əliyev, Əkbər Əhmədov.
VAR: Əliyar Ağayev.
AVAR: Zeynal Zeynalov.
Hakim-inspektor: Babək Quliyev.
AFFA nümayəndəsi: İlham Əliyev.
Qəbələ şəhər stadionu, 15:00.

Qəbələ: 93. Rza Cəfərov, 28. Murad Musayev (k), 7. Turan Manafov, 27. Eşqin Əhmədov, 24. İsmael Akinade, 33. Seydina Keyta, 50. Adriel Ba Lua, 3. Eduardo Kunde, 6. Xayme Syerra, 8. Sambu Sissoko, 14. Domi Massumu.
Ehtiyat oyunçular: 1. Səlahət Ağayev, 11. Asif Məmmədov, 22. Fərid İsgəndərov, 13. Nicat Əliyev, 74. Süleyman Damadayev, 66. Nuğay Rəşidov, 10. Şahin Şahniyarov, 21. Ziya Şəkərxanov, 12. İbrahim Sanqare, 16. İsaak Amoa, 70. Paulo Kimbila, 30. Prins Ovusu.
Baş məşqçi: Kaxaber Sxadadze.

Turan Tovuz: 41. Sergey Samok, 29. Filip Ozobiç, 17. Rəhim Sadıxov, 11. Ayxan Hüseynov, 5. Roderik Miller, 3. Enrike Silva, 23. Alexandro Serrano, 99. İbrahima Vadji, 15. Emmanuel Hakman (k), 32. Hayderson Hurtado, 7. Xorxe Silva.
Ehtiyat oyunçular: 1. Oleq Baklov, 13. Mehman Hacıyev, 4. Şəhriyar Əliyev, 10. Xəyal Nəcəfov, 88. Faiq Hacıyev, 6. Fərid Yusifli, 90. Joarlem Santos, 19. Roberto Olabe, 9. Coş Cinnelli, 8. David Tavares, 2. Mark Rene Mampassi.
Baş məşqçi: Kurban Berdıyev.