Amerika Ürək Assosiasiyası növbəti 25 ildə qadınlar arasında ürək xəstəlikləri və insult hallarının əhəmiyyətli dərəcədə artacağını proqnozlaşdırır.
“Cebheinfo.az” xarici mediaya istinadən xəbər verir ki, qurumun məlumatına görə, 2020-ci ildə qadınların 10,7 faizində ən azı bir növ ürək-damar xəstəliyi olduğu halda, bu göstərici 2050-ci ildə 14,4 faizə çata bilər. Hazırda ürək-damar xəstəlikləri ABŞ-da qadınlar arasında əsas ölüm səbəbidir.
Mütəxəssislər bildirirlər ki, artımın əsas səbəbləri piylənmə, diabet və yüksək təzyiqdir.
Artım təkcə yaşlı qadınlarda deyil, 20-40 yaş arası gənc qadınlarda və hətta yeniyetmə qız uşaqlarında da gözlənilir.
Assosiasiya bildirir ki, müalicə sahəsində irəliləyişlər olsa da, əsas diqqət profilaktika və erkən diaqnoza yönəldilməlidir.
