ABŞ dövlət katibi Marco Rubio ada yaxınlığında ABŞ gəmisinin iştirak etdiyi insidentlə bağlı Kubadan məlumat aldıqlarını, lakin baş verənləri öz mənbələri vasitəsilə də dəqiqləşdirəcəklərini bildirib.
Editor.az xəbər verir ki, Rubio mətbuat konfransında məsələ ilə bağlı açıqlama verərək hadisənin bütün detallarının araşdırılacağını vurğulayıb.
“Əsas məsələ və hər kəsin bilməli olduğu məqam budur ki, biz bu hadisə ilə bağlı öz məlumatlarımıza sahib olacağıq və dəqiq nələrin baş verdiyini müəyyənləşdirəcəyik. Burada müxtəlif ssenarilər mümkün ola bilər”, – deyə o qeyd edib.
Hadisəyə ABŞ-ın mümkün reaksiyası barədə proqnoz verməkdən imtina edən dövlət katibi əlavə edib:
“Belə açıq dənizdə silahlı toqquşmaların baş verməsi son dərəcə qeyri-adi haldır. Bu, hər gün rast gəlinən hadisə deyil. Açığı, Kubada daha əvvəl belə bir vəziyyət yaşanmayıb”.
Cuba Ministry of the Interior isə açıqlamasında ölkənin ərazi sularına daxil olan ABŞ bayraqlı qayıqdan atəş açıldığını, nəticədə baş verən qarşıdurmada dörd hücumçunun zərərsizləşdirildiyini, altı nəfərin isə yaralandığını bildirib.
//Gülnarə Abasova, Editor.az
