Toyuq qaraciyəri çox vaxt faydalılığına görə mal qaraciyərindən sonra ikinci yerdə sayılır. Bu, ucuz və qidalı məhsuldur, dəmir, B12 vitamini, folat və digər faydalı maddələrlə zəngindir. Düzgün hazırlananda dadlı olur və balanslı qidalanmanın bir hissəsinə çevrilə bilər. Lakin bir çox insan onu necə bişirməyi və nə qədər yeməyi bilmır.
HİT.az xəbər verir ki, məşhur ət emalı şirkəti "Grassland Beef"in mütəxəssisləri toyuq qaraciyərini hər gün yeməyin mümkün olub-olmadığını, onun kimlər üçün faydalı olduğunu və əsas risklərin nədən ibarət olduğunu izah ediblər.
Toyuq qaraciyəri – fayda və zərər
Qaraciyər bağırsaq və mədədən gələn qanın emalında iştirak edir, qida maddələrini orqanizm üçün daha əlçatan formaya çevirir. Eyni zamanda özü də vitamin və minerallarla zəngin mənbədir.
ABŞ-ın National Institutes of Health tədqiqatlarına görə, 100 qram toyuq qaraciyərində:
* Kalori: 172
* Zülal: 25,8 q
* Yağ: 6,43 q
* Karbohidrat: 1,11 q
* Vitamin A: gündəlik normanın 288%-i
* Vitamin B12: 352%
* Folat: 140%
* Riboflavin (B2): 136%
* Selen: 126%
Bu qədər yüksək göstəricilər səbəbindən həkimlər qaraciyər məhsullarını çox tez-tez yeməyi məsləhət görmürlər.
Toyuq qaraciyərinin faydaları
Bu məhsulun faydalarını çox sadalamaq olar:
* B12 vitamini və dəmir eritrositlərin yaranmasına kömək edir, anemiyanın qarşısını alır.
* Vitamin A görmə, böyümə və dəri sağlamlığı üçün vacibdir.
* Folat reproduktiv sağlamlıq üçün mühümdür.
* Selen, riboflavin və fosfor immuniteti, toxumaları, sümükləri və qalxanabənzər vəzi dəstəkləyir.
Amerika Birləşmiş Ştatları Kənd Təsərrüfatı Nazirliyinin məlumatına görə, yüksək zülal miqdarı (təxminən 24,5 q porsiyada) saç, dəri və dırnaqlar üçün faydalıdır. Qaraciyərdə asan mənimsənilən zülal və həmçinin C vitamini də var — ət məhsulları üçün nadir komponent. National Center for Biotechnology Information məlumatına əsasən, qaraciyər bu vitaminin ən yaxşı mənbələrindən biridir və o, dəmirin mənimsənilməsinə kömək edir.
Arıqlamaq istəyən qadınlar üçün
Zülal, dəmir və vitaminlərlə zəngin olması maddələr mübadiləsini sürətləndirir, hemoglobini artırır, dərinin elastikliyini və hormonal balansı dəstəkləyir. Aşağı kalorili olduğu üçün arıqlama dietlərinə uyğundur.
Əzələ yığmaq istəyən kişilər üçün
Yüksək zülal əzələ qurulmasına kömək edir, dəmir oksigen daşınmasını yaxşılaşdırır, B vitaminləri enerji verir. Qaraciyər məhsulları testosteron sintezini və məşqdən sonra bərpanı da dəstəkləyə bilər.
Toyuq qaraciyərinin ziyanı və əks göstərişlər
Faydaları ilə yanaşı riskləri də var:
* Həddindən artıq vitamin A qəbul etmək görmə problemləri, sümük zədələnməsi və ürəkbulanma yarada bilər.
* Tərkibində çox mis var — artıqlığı qaraciyər problemlərinə səbəb ola bilər.
* 100 qramda gündəlik xolesterin normasının yarısından çoxu var.
* Tez xarab olur — saxlanma müddətinə diqqət etmək lazımdır.
Nə qədər yemək olar?
Həkimlər adətən böyüklər üçün bir dəfəyə 100–150 qram, həftədə 1–2 dəfə tövsiyə edirlər.
Çox tez-tez yemək vitamin A və misin orqanizmdə yığılması səbəbindən arzuolunmazdır. Hamilə qadınlara isə daha da məhdudlaşdırmaq və ya ümumiyyətlə imtina etmək məsləhət görülür.
Nəticə
Toyuq qaraciyəri zülal, A və B12 vitaminləri, dəmir, selen və C vitamini ilə zəngin, dəyərli qida məhsuludur. Onu düzgün saxlayıb ölçülü miqdarda qəbul etdikdə orqanizm üçün böyük fayda verir.
Samir
