General bildirib ki, İranın güclü silahlı qüvvələri həm müdafiə, həm də hücum potensialına arxalanaraq, ABŞ hərbçilərinin və "Sionist rejimin" bölgədəki bütün hərəkətlərini tam hazırlıq vəziyyətində yaxından izləyir. ABŞ ordusunun regiondakı mövcudluğu "psixoloji müharibə, şantaj və zorakılıq" cəhdi kimi qiymətləndirilib. ABŞ ordusu və ya ona bağlı "terror qruplaşmaları" tərəfindən törədiləcək istənilən təxribatın qarşılığı sarsıdıcı zərbələrlə veriləcək.
"Biz sübut etdik ki, müharibə tərəfdarı deyilik, lakin müharibədən də qorxmuruq. Ölkəmizi və xalqımızın maraqlarını qüdrətlə müdafiə edəcəyik," - deyə general qeyd edib.
Sonda birbaşa ABŞ hökumətinə müraciət edən Şikarçi xəbərdarlıq edib ki, istənilən ehtiyatsız addım bütün bölgədə genişmiqyaslı yanğın başladacaq və tarixdə görünməmiş bir cavabla nəticələnəcək.
