Avroliqa: “Roma” “Bolonya”ya, “Selta” “Olimpik”ə rəqib oldu

Bu gün futbol üzrə Avropa Liqasında (Avroliqa) 2025/2026-cı illər mövsümünün 1/8 final mərhələsinin püşkü atılıb.

Arena.az xəbər verir ki, tədbir UEFA-nın İsveçrənin Nyon şəhərindəki mənzil-qərargahında baş tutub.

Bu raundda Liqa mərhələsini ilk “8-lik”də başa vurmuş komandalar və pley-offun qalibləri mübarizə aparacaqlar. Favoritlərdən “Roma” İtaliyanın digər klubu “Bolonya”ya rəqib olub. “Frayburq” “Genk”lə, “Ştutqart” “Portu”yla, “Selta” Lion “Olimpik”i ilə qarşılaşacaq.

Avroliqada 1/8 final mərhələsinin ilk matçları martın 12-də, cavab görüşləri isə ayın 19-da keçiriləcək.

Ferentsvaroş (Macarıstan) – Braqa (Portuqaliya)
Genk (Belçika) – Frayburq (Almaniya)
Ştutqart (Almaniya) – Portu (Portuqaliya)
Bolonya (İtaliya) – Roma (İtaliya)
Panatinaikos (Yunanıstan) – Betis (İspaniya)
Selta (İspaniya) – Olimpik (Lion, Fransa)
Nottingem Forest (İngiltərə) – Midtyulland (Danimarka)
Lill (Fransa) – Aston Villa (İngiltərə)