Ukrayna Prezidenti Vladimir Zelenski hesab edir ki, Ukraynanın müharibəni payızdan əvvəl – noyabr ayında keçiriləcək ABŞ ara seçkilərindən əvvəl bitirmək şansı var.
O, bunu SkyNews-a verdiyi müsahibədə bildirib. Ukraynanın sülhə nail olmağa nə qədər yaxın olduğu soruşulduqda, o, noyabr ayında keçiriləcək ABŞ ara seçkiləri arasında “fürsət pəncərəsi” olduğunu cavablandırıb. “Hazırda, düşünürəm ki, şansımız var… Bu, növbəti bir neçə aydan, müharibəni payızdan əvvəl bitirmək şansımızın olub-olmamasından asılıdır. Seçkilərdən əvvəl sülhə nail ola bilsək, deməli, bu fürsət pəncərəmiz var. Bu pəncərə artıq açıqdır”, – deyə o bildirib.
O, həmçinin ABŞ-ın müharibəni bitirmək imkanına malik olduğunu, lakin bunun üçün Moskvaya daha çox təzyiq göstərməli olduğunu bildirib. “Amerika Birləşmiş Ştatları düşündüyündən daha güclüdür.
Və mən buna həqiqətən inanıram. Onlar həqiqətən Putinə təzyiq göstərə bilərlər. Onlar bu müharibəni dayandıra bilərlər”, – deyə Zelenski vurğulayıb.
O, Vaşinqton administrasiyasını Rusiya liderlərinin ailələrinə qarşı sanksiyaları sərtləşdirməyə və Ukraynaya daha müasir silahlar verməyə çağıraraq, yalnız təzyiqin artırılmasının Moskvanı danışıqlara ciddi yanaşmağa məcbur edəcəyini qeyd edib.
//Samir Qurbanov, Editor.az
