"Bacımın nəvəsindən soruşdum böyüyəndə nə olacaqsan? Dedi müğənni olacam. Amma elə bir bərbad ifaçının adını çəkdi ki, mən qulaqlarıma inana bilmədim, şok oldum".
Bu sözləri Xalq artisti Nəzakət Teymurova deyib.
"Günorta efirdəyik" verilişində qonaq olan xalq artisti bayağı musiqilərin uşaqlara verdiyi zərərdən danışıb:
"Bir gün bacımın nəvəsindən soruşdum ki, böyüyəndə nə olacaqsan? Dedi müğənni olacam. Amma elə bir bərbad ifaçının adını çəkdi ki, mən qulaqlarıma inana bilmədim, şok oldum. Biz böyük sənətkarların səsi ilə böyüyüb zövqümüzü formalaşdırmışıq. İndiki uşaqların zövqü korlanıb. Çünki bütün günü musiqimizi korlayan ifaçılar efirlərdə mədəniyyətimizi təbliğ edirlər. Buna yol vermək olmaz".
