8 Mart – Beynəlxalq Qadınlar Günü və Əmək Məcəlləsinə əsasən, 9 mart tarixinin qeyri-iş günü elan olunması ilə əlaqədar “Bakı metropoliteni” QSC-nin iş rejimində dəyişiklik ediləcək.
QSC-dən Hafta.az-a bildirilib ki, metropoliten qeyd edilən hər iki qeyri-iş günündə gücləndirilmiş qrafikdə fəaliyyət göstərəcək.
“28 May-Əhmədli” sahəsində gün ərzində qatarlararası interval əsasən 2,5 dəqiqə təşkil edəcək. Martın 8-i və 9-da bütün xətlər üzrə ehtiyat qatarlar və zəruri işçi qüvvəsi ayrılacaq, nəzarət tədbirləri gücləndiriləcək.
Bənövşəyi xətdə, həmçinin “Həzi Aslanov-Əhmədli” və “Cəfər Cabbarlı-Xətai” mənzillərində intervallar olduğu kimi saxlanılacaq.
“Bakmil” istiqamətində və əksinə hərəkət edən sərnişinlər martın 8-i və 9-da şənbə gününün qrafikindən istifadə edə bilərlər.
