ain.az bildirir, Yeniavaz saytına əsaslanaraq.
Avropa Futbol Assosiasiyaları İttifaqının (UEFA) Etika, Nəzarət və İntizam Komitəsi “Real Madrid”i qəbuledilməz azarkeş davranışına görə cərimələyib.
Yeniavaz.com xəbər verir ki, bu barədə UEFA-nın mətbuat xidməti məlumat yayıb.
Komitənin açıqlamasında cərimənin 15 000 avro olacağı bildirilib.
Həmçinin, cərimənin Çempionlar Liqasının 1/8 final mərhələsində Portuqaliya təmsilçisi “Benfika” ilə cavab oyunu ilə bağlı tətbiq edildiyi qeyd edilib.
Belə ki, matçda azarkeşlər tərəfindən irqçi və ayrı-seçkilik davranışı halları qeydə alınıb.
Qeyd edək ki, “Real Madrid”in “Benfika” ilə cavab oyunu Madriddə baş tutub və ilk oyunda 1:0 hesablı qələbədən sonra “Real Madrid”in 2:1 hesablı qələbəsi ilə başa çatıb.
Xatırladaq ki, bundan əvvəl “Real Madrid” azarkeşinin cavab oyunundan əvvəl nasist salamı verdiyinə görə stadiondan qovulduğu bildirilmişdi.
Daha ətraflı məlumat və yeniliklər üçün ain.az saytını izləyin.
