Modern.az saytından alınan məlumata görə, ain.az bildirir.
Ayətullah Seyid Müctəba Xamenei İranın yeni Ali Lideri olub.
O, İranın Ekspertlər Şurasında səslərin böyük əksəriyyəti ilə İran İslam Respublikasının üçüncü Ali Lideri seçilib.Bu barədə Ekspertlər Şurası bəyanat yayıb.Müctəba Xamenei İranın fevralın 28-də öldürülən mərhum rəhbəri Ayətullah Əli Xameneinin oğludur.Modern.az xəbər verir ki, Müctəba Xameneinin tərcümeyi-halının bəzi hissələri İran mediasında dərc olunub.Ayətullah Hacı Seyid Müctəba Xamenei 1969-cu ildə Məşhəddə anadan olub.O, İranın ikinci Ali Rəhbəri olmuş (1989–2026-cı illərdə) mərhum Ayətullah Seyid Əli Xameneinin ikinci oğludur.Müctəba Xamenei ilahiyyat təhsili alıb.Belə ki, o, hazırlıq seminariyasını Ayətullah Müctəhid Tehraninin məktəbində bitirib. Daha sonra seminariya kurslarını tamamlamaq üçün Qum şəhərinə gedib və bir neçəil orada qalıb. Ardınca seminariya təhsilini Tehranda davam etdirib.O, Əhmədi Miyanəci, Rza Ostadi və Qumun digər görkəmli professorlarının yanında yüksək səviyyəli dərslər alıb.Daha sonra atası Ayətullah Əli Xameneinin və əlavə olaraq, Ayətullah Şeyx Cavad Təbrizi, Şeyx Hüseyn Vəhid Xorasani, Seyid Musa Şəbbiri Zəncani, Ağa Müctəba Tehrani, Şeyx Məhəmməd Mömin Quminin yanında fiqh və prinsiplər üzrə dərslər alıb.O, 17 ildən artıq müddətdə müxtəlif dərsdənkənar kurslarda fasiləsiz olaraq iştirak edib.M.Xameneinin İslam kodlaşdırılmış elmləri dəstində sistemli və ardıcıl intellektual təməllərə sahib olduğu bildirilir.Təhsil alması ilə yanaşı, o, davamlı olaraq tədrislə də məşğul olub: Tehranda Ayətullah Müctəhid məktəbində seminariya üçün bəzi dərslər keçib.
2004-206-cı illərdə Qumdakı məktəblərdə dərslər verib.
Qeyd olunur ki, hərbi komandirlər, xüsusən də “Hizbullah” lideri Seyid Həsən Nəsrullah və general Qasım Süleymani ilə davamlı əlaqə Müctəba Xameneinin şəxsiyyətinin digər vacib aspektidir.Müctəba Xamenei Zəhra Həddad Adel ilə evlənib.Onun həyat yoldaşı Zəhra Həddad Adel bu il fevralın 28-də ABŞ-İsrail hücumu nəticəsində Tehranda həlak olub.57 yaşlı Müctəba Xamenei hələ atasının sağlığında əhəmiyyətli təsir rıçaqlarına sahiblənib. Onun İslam İnqilabı Keşikçiləri Korpusu (SEPAH) və ona bağlı “Bəsic” yarımhərbi dəstəsilə güclü əlaqələri olduğu bildirilir.A.Qorxmaz
Sonrakı hadisələr barədə daha çox məlumat almaq üçün ain.az saytını izləyin.
