Yeni bir koronal dəlik, 14 martda Yerə təsir etməyə başlayacaq və bu da potensial olaraq maqnit fırtınalarına səbəb olacaq.
Newscenter.az TASS-a istinadən bildirir ki, bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası və Rusiya Elmlər Akademiyasının Sibir Bölməsinin Günəş-Yer Fizikası İnstitutu məlumat verib.
Bildirilir ki, Günəşdə yeni bir tac dəliyinin konturları az-çox formalaşıb. Onun Yerə təsirinin 14 mart şənbə günü başlaması gözlənilir. O vaxta qədər demək olar ki, tam sakitlik proqnozlaşdırılır.
Daha əvvəl Rusiya Elmlər Akademiyasının Kosmik Tədqiqatlar İnstitutunun Kosmik Plazma Fizikası şöbəsinin Günəş Astronomiyası və Heliofiziki Cihazlar Laboratoriyasının müdiri Sergey Boqaçev bildirib ki, Günəşdəki koronal dəliklər hazırda Yer kürəsində maqnit fırtınalarının əsas mənbəyidir, lakin onlar ekstremal hadisələrə səbəb ola bilmirlər.
Anar
