Konkret.az portalından alınan məlumata görə, ain.az xəbər verir.
Ukraynanın Dnipro və Xarkov şəhərləri gecə saatlarında Rusiyanın hücumuna məruz qalıb.
KONKRET.az xəbər verir ki, nəticədə ən azı 20 nəfər yaralanıb, onlardan bəziləri uşaqlardır.
Dnipro vilayət hərbi administrasiyasının rəhbəri Aleksandr Ganja sosial şəbəkədə yazıb ki, şəhərdə inzibati və çoxmərtəbəli binalar və avtomobil zədələnib.
Onun məlumatına görə, 10 nəfər xəsarət alıb, onlardan biri qadındır və xəstəxanaya yerləşdirilib.
Əvvəlki məlumatlara görə, üç qadın, üç kişi və 12 yaşlı bir oğlan tibbi yardım alıb.
Ümumilikdə, gecə boyunca Rusiya dronlar və artilleriya vasitəsilə vilayətin üç rayonuna hücum edib.
Xarkov vilayət hərbi administrasiyasının rəhbəri Oleq Sinequbov isə bildirib ki, şəhərdə kişilər, qadınlar və iki 16 yaşlı qız yaralanıb.
Vilayət prokurorluğunun məlumatına görə, 10 mart gecəsi rus hərbçiləri Xolodnoqorsk rayonuna “Gəran-2” tipli döyüş dronları ilə hücum ediblər. Hücum nəticəsində üç fərdi ev və avtomobil zədələnib.
Ukrayna Silahlı Qüvvələri gecə boyunca 137 rus dronundan 122-ni məhv edib.
Müşviq Tofiqoğlu
KONKRET.az
Sonrakı hadisələr barədə daha çox məlumat almaq üçün ain.az saytını izləyin.
