ABŞ Federal Təhqiqatlar Bürosu (FBI) İranla bağlı mümkün təhlükə barədə xəbərdarlıq edib.
Musavat.com xəbər verir ki, ABC News kanalının məlumatına görə, Tehran Vaşinqtonun İrana qarşı hücumları halında ABŞ ərazisinə dron zərbələri endirmək variantını nəzərdən keçirib.
Məlumata əsasən, mümkün ssenarilərdən biri dronların ABŞ sahilləri yaxınlığında yerləşən bir gəmidən buraxılmasıdır. Bildirilir ki, həmin pilotsuz uçuş aparatları Kaliforniya ştatında yerləşən müəyyən hədəflərə yönəldilə bilər.
ABC News-un mənbələri bildirir ki, ABŞ kəşfiyyatı belə bir planın nəzəri olaraq müzakirə edildiyini müəyyən edib. Bununla belə, bu ssenarinin real əməliyyat mərhələsinə keçib-keçmədiyi barədə konkret məlumat verilməyib.
Hazırda ABŞ təhlükəsizlik strukturları mümkün riskləri qiymətləndirir və ölkə daxilində strateji obyektlərin qorunması ilə bağlı tədbirləri gücləndirir.
Musavat.com
