İran rəhbərliyi ölkə üzərində nəzarəti qoruyub saxlayır.
AFN.az xəbər verir ki, bu barədə "Reuters" agentliyi ABŞ kəşfiyyat xidmətlərinə istinadən bildirib. Agentliyin mənbələrinin verdiyi məlumata görə, ABŞ kəşfiyyatının göstəriciləri əsasında İran rəhbərliyi hələ də böyük ölçüdə bütövlüyünü qoruyur və ABŞ ilə İsrailin İslam Respublikasına qarşı həyata keçirdiyi hərbi əməliyyatlara baxmayaraq, yaxın gələcəkdə onun süqutu gözlənilmir.
Nəşrdə dəqiqləşdirilir ki, Amerika xüsusi xidmət orqanlarının hesabatlarında rejimin təhlükə altında olmadığına dair ardıcıl nəticələr yer alıb. Bundan əlavə, hesabatlardan məlum olur ki, İran rəhbərliyi ölkə daxilində idarəetməni əlində saxlayır.
Agentlik həmçinin iddia edir ki, İsrail rəsmiləri də İrana qarşı aparılan hərbi əməliyyatın hakimiyyət dəyişikliyinə səbəb ola biləcəyinə əmin deyillər.
