Banco.az saytından alınan məlumatlara görə, ain.az xəbər verir.
Müəllif:Mehin Qasımova,Banco.az
"Nvidia" süni intellekt bulud infrastrukturunu genişləndirmək üçün Nebius Group-a 2 milyard dollar sərmayə qoyacağını açıqladı.
Banco.az xəbər verir ki, çip istehsalçısı bu addımın Nebius-un mühəndislik imkanlarına inamı əks etdirdiyini və genişmiqyaslı süni intellekt hesablama infrastrukturunun inkişafını dəstəkləyəcəyini bildirdi.
Müqaviləyə əsasən, iki şirkət genişmiqyaslı süni intellekt məlumat mərkəzlərinin dizaynı və quraşdırılması üzərində birgə işləyəcək. "Nebius" Nvidia-nın ən son texnologiyalarına erkən giriş əldə edəcək və böyük süni intellekt klasterlərinin idarə olunması üçün proqram təminatı və sistem inkişaf prosesləri üzərində əməkdaşlıq edəcək.
"Nebius" tərəfdaşlığın qlobal hesablama gücünü artıracağını vurğulayıb. Bu ayın əvvəlində şirkət Missuri ştatının İndependens şəhərində 1,2 giqavattlıq məlumat mərkəzi kampusunun tikintisi üçün icazə alıb. Layihənin təxminən 1200 tikinti və 130 daimi iş yeri yaratması, eləcə də 20 il ərzində 650 milyon dollardan çox vergi ödəməsi gözlənilir.
"Nvidia" son zamanlar süni intellekt infrastruktur təchizat zəncirinə investisiyalarını artırır. Ötən həftə şirkət süni intellekt məlumat mərkəzlərində istifadə olunan qabaqcıl optik texnologiyaların inkişafını sürətləndirmək məqsədi ilə Lumentum və Coherent şirkətlərinə hər biri 2 milyard dollar sərmayə qoyub.
Ən son xəbərləri və yenilikləri almaq üçün ain.az saytını izləyin.
