Rusiyanın Fövqəladə Hallar Nazirliyinə məxsus xüsusi təyyarə İran üçün nəzərdə tutulmuş dərman preparatlarını Azərbaycana çatdıracaq.
"Unikal" xəbər verir ki, bu barədə TASS nazirliyin mətbuat xidmətinə istinadən yazıb.
Bildirilib ki, Rusiya Federasiyasının Prezidenti Vladimir Putinin göstərişi və Rusiyanın Fövqəladə Hallar Naziri Aleksandr Kurenkovun tapşırığına əsasən, nazirliyin aviasiyası vasitəsilə dərman preparatlarının Azərbaycan Respublikasına çatdırılması təşkil olunub. Bu dərmanlar daha sonra İran İslam Respublikasının hökumətinin səlahiyyətli nümayəndələrinə təhvil veriləcək.
Ümumilikdə humanitar yardım kimi 13 ton dərman preparatının çatdırılması planlaşdırılır.
Gülayə Mecid
