İtaliya müharibəyə girməyəcək
İtaliyanın baş naziri Corciya Meloni İranın Minab şəhərindəki məktəbdə qızların ölümündə məsul olanların müəyyən edilməsini və münaqişənin diplomatik yolla həllinə çağırıb.
Musavat.com xəbər verir ki, Meloni hərbi əməliyyatlar zamanı mülki şəxslərin, xüsusən də uşaqların qorunmalı olduğunu bildirib.
"İranın cənubundakı Minabda bir məktəbdə qızların qətliamını qətiyyətlə pisləyirəm. Bu qırğına görə məsuliyyət müəyyən edilməlidir. Mülki şəxslərin və uşaqların təhlükəsizliyi qorunmalıdır", - deyə Meloni bildirib.
"Bu çox gənc qurbanların ailələri ilə həmrəy olduğumu bildirirəm", - deyə o əlavə edib.
İtaliya hökumətinin başçısı vurğulayıb ki, Roma hərbi əməliyyatları dəstəkləmək və ya əməliyyatda iştirak etmək niyyətində deyil.
"Biz müharibədə deyilik və iştirak etmək istəmirik", - deyə baş nazir bildirib.
Meloni vəziyyəti daha geniş qlobal təhlükəsizlik məsələləri ilə əlaqələndirərək, artan təhdidləri və beynəlxalq hüquqi əsas olmadan atılan birtərəfli tədbirlərin sayının artdığını qeyd edib.
İtaliya diplomatik həlli irəli sürməyə və daha da gərginləşmənin qarşısını almağa sadiqdir", - deyə Meloni əlavə edib.
Musavat.com
