Türkiyənin mərkəzi hissəsində 5,5 maqnitudalı (ilkin məlumatlarda 5,3) zəlzələ baş verib.
Avropa-Aralıq dənizi Seysmoloji Mərkəzi (EMSC) və Türkiyənin Fövqəladə Halların İdarə Olunması Agentliyinin (AFAD) məlumatına görə, yeraltı təkanlar 13 mart 2026-cı il tarixində, yerli vaxtla saat 03:35-də qeydə alınıb. Zəlzələnin episentri təxminən 129 min nəfərin yaşadığı Tokat şəhərindən 46 km şimalda, Niksar rayonu ərazisində yerləşib.
Zəlzələ ocağı yerin 6,3 km dərinliyində qeydə alınıb. Təkanlar ətraf vilayətlərdə, o cümlədən Amasya, Sivas və Yozqatda da hiss olunub. Dağıntı və tələfat barədə hələlik rəsmi məlumat daxil olmayıb, hazırda ərazidə monitorinq işləri aparılır.
