Misli Premyer Liqasının 24-cü turu çərçivəsində "Şamaxı" səfərdə "Sumqayıt"ı 1:0 hesabı ilə məğlub edib.
Fanat.Az xəbər verir ki, matçdan sonra keçirilən mətbuat konfransında "Sumqayıt"ın baş məşqçisi Saşa İliç fikirlərini jurnalistlərlə bölüşüb:
"Bizim "Şamaxı"ya qarşı oyunlarımız hər zaman çətin alınır. Maraqlı mübarizə şəraitində oyun keçdi. Qolla nəticələnməyən bir neçə epizodumuz oldu. Rəqib standart vəziyyətdən qol vuraraq qələbə qazandı. Anlayıram ki bu nəticələr komanda üçün, şəhər üçün qənaətbəxş deyil. Lakin vəziyyəti yaxşılaşdırmaq üçün əlimizdən gələni edirik".
