...Ukrayna Xüsusi Əməliyyat Qüvvələri işğal olunmuş Krımda Rusiya raket sistemlərinə zərbələr endirib. Əməliyyat 14 mart şənbə günü gecəsi Xüsusi Əməliyyat Qüvvələrinin Dərin Zərbə bölmələrinin uzaqmənzilli dronlarından istifadə etməklə baş tutub.
SİA xəbər verir ki, Ukrayna hərbi rəsmilərinin məlumatına görə, Vışneve kəndi yaxınlığında “İskəndər” taktiki raket sisteminin buraxılış qurğusu məhv edilib.Əməliyyat zamanı o, artıq Ukrayna şəhərlərinə zərbə endirməyə hazırlaşmaq üçün mövqeyə keçib və meşə zolağında kamuflyaj edilib.
Buraxılış qurğusu raketlərlə silahlanıb və yerində mütəxəssislər tərəfindən xidmət göstərilib. Ukrayna dronları zərbə endirdikdən sonra sursat partlayıb. Bundan əlavə, yerli yeraltı qüvvələrdən gələn məlumatlar sayəsində Ukrayna qüvvələri Kurortne kəndində buraxılış qurğusu anbarı aşkar edib.
Bu bazaya PUA zərbəsi də endirilib və Xüsusi Əməliyyat Qüvvələrinin məlumatına görə, bir neçə dron hədəflərini dəqiq vurub.
Əli Babayev
