Partiyanın seçkiqabağı kampaniyası üçün Qafanda olan Ermənistanın Baş naziri Nikol Paşinyan bu gün vətəndaşlarla söhbətində silahları ictimaiyyət qarşısında nümayiş etdirəcəyini açıqlayıb.
“Cebheinfo.az” xəbər verir ki, Paşinyan "İki-üç ay əvvəl demişdim ki, nailiyyətlərimizi görmək istəyən vətəndaşları aparıb onlara göstərəcəyəm. Artıq bir neçə qrupu dəvət etmişəm, rəhbərlik etmişəm və nümayiş etdirmişəm, amma insanların sayı o qədər çoxdur ki, hər kəsə göstərməli olduğumuz, bunu ictimaiyyət qarşısında göstərməli olduğumuz qənaətinə gəldik”,-deyib.
Paşinyan bildirib ki, lakin bunu sülhə vurğu edərək və sülh kontekstində edir.
“Sülh var, qonşularımızla heç bir gərginlik yoxdur və ümid edirik ki, onlar bunu təcavüz kimi qəbul etməyəcəklər", - deyə Paşinyan vətəndaşlara bildirib.
O, xalqa hesabat təqdim edəcəklərini və bunun may ayında baş tutacağını vurğulayıb.
