Bir çox dərman preparatları, böyüklər üçün icazəli olsa da, uşaqlarda istifadə üçün qadağan edilmiş və ya yaş məhdudiyyəti ilə tətbiq olunur. Bunlara aspirin, analgin, lidokain və bir sıra digər dərmanlar daxildir. Bu barədə «Газета.Ru»ya pediatr və “Mən sağlamam” layihəsinin eksperti Tatyana Kaşkina məlumat verib.
Qlobal təcrübədə dərmanların uşaqlara yanlış dozada və ya yaşa uyğun olmayan şəkildə tətbiqi nadir hallarda baş vermir. Belə hallarda bəzi preparatlar uşaqlar üçün ciddi sağlamlıq riskləri daşıyır.
Məsələn, Aspirin uşaqlarda tətbiq edildikdə Rey sindromu riskini artırır — nadir, lakin ağır vəziyyət olub qaraciyər və beyin zədələnməsinə səbəb ola bilər. Rəsmi təlimata görə, bu dərman 15 yaşdan aşağı uşaqlarda və kəskin respirator virus xəstəlikləri zamanı qadağandır.
