“Barselona” klubunun prezidenti vəzifəsinə seçkilər keçirilib.
QOL.az xəbər verir ki, bu yer uğrunda əvvəlki klub prezidenti Xuan Laporta və Viktor Fontu mübarizə aparıb.
Xuan Laporta rəqibini böyük fərqlə qabaqlayaraq yenidən “Barselona”nın prezidenti seçilib. O, səslərin 68.18 faizini toplayıb. Laporta daha 5 il kluba rəhbərlik edəcək.
Qeyd edək ki, Laporta daha əvvəl 2003–2010 və 2021–2026-cı illərdə Kataloniya klubunun prezidenti olub.
