Şimali Koreya son günlər bir neçə raket sınağı həyata keçirdiyini açıqlayıb. Rəsmi məlumatlara görə, raketlər ölkənin şərq istiqamətində yerləşən Yapon dənizi istiqamətində buraxılıb.
Herbiand.az xəbər verir ki, Pxenyan bildirib ki, bu addım ABŞ və Cənubi Koreya tərəfindən keçirilən birgə hərbi təlimlərə cavab xarakteri daşıyır. Şimali Koreya tərəfi həmin təlimlərin Koreya yarımadasında gərginliyi artırdığını iddia edir.
Rəsmi açıqlamada qeyd olunub ki, ölkə öz təhlükəsizliyini təmin etmək məqsədilə raket və hərbi potensialını gücləndirməyə davam edəcək. Şimali Koreya rəhbərliyi bu cür addımların milli müdafiə strategiyasının bir hissəsi olduğunu vurğulayıb.
Cənubi Koreya və Yaponiya rəsmiləri isə raketlərin Yapon dənizi istiqamətinə düşdüyünü və hadisə nəticəsində hər hansı zərərin qeydə alınmadığını bildiriblər.
