İsrailin 2 martda başlayan Livana qarşı genişmiqyaslı hücumlarının 21-22 may tarixlərində yəhudilərin müqəddəs Şavuot bayramına qədər davam edə biləcəyi iddia edilib.
İsrailin "Yedioth Ahronoth" qəzetinin məlumatına görə, İsrail Ordusunun Şimal Komandanlığının yüksək rütbəli hərbi rəsmisi Livan sərhədinin şərq hissəsində xidmət edən ehtiyatda olan əsgərlərə qapalı brifinq verib.
Görüş zamanı bir rəsmi əsgərlərə "bu dəfə vaxt fərqli axır" deyərək, İsrailin Livandakı hücumlarının 21 mayda başlayan "Şavuot bayramı"na qədər davam edə biləcəyini bildirib. O, "Biz burada lazım olduğu qədər qalacağıq. Bu, müəyyən bir müddətlə məhdudlaşmır" deyib.

Hesabatda ehtiyat əsgər kimi çağırılan İsrail ordusunun getdikcə daha çox yorğunluq yaşadığı qeyd olunub. Buna baxmayaraq, ordunun daha aqressiv hərəkət edərək bufer zonası yaratmağa və bombardmanları Livana daha da genişləndirməyə çalışacağı irəli sürülüb.

Hesabatda həmçinin şimala çəkilən Qolani Briqadasına Nahal və paraşütçü bölmələrinin qoşulacağı və hazırda Livan ərazisində 7-9 kilometrlik ərazidə fəaliyyət göstərən İsrail ordusunun işğalını genişləndirəcəyi də qeyd olunub.

aia.az
Tərcümə şöbəsi

• Hücum
• May
• Livana
• İsrail
• Sonu