Sumqayıt şəhərinin Corat qəsəbəsində bələdiyyə binasında vətəndaş qəbulu keçirdik.
Görüş zamanı sakinlərin fərdi müraciətləri və Corat qəsəbəsinin infrastrukturu ilə bağlı qaldırdıqları məsələlər qanunvericilik çərçivəsində, aidiyyəti üzrə baxılması məqsədilə qeydə alındı.
Görüşdən sonra həmçinin müraciətimiz əsasında Corat qəsəbəsində kanalizasiya xətlərinin yenidən qurulması ilə əlaqədar Azərbaycan Dövlət Su Ehtiyatları Agentliyi tərəfindən müvafiq işlərə start verildiyini və qəsəbədə XVI- XVII əsrə aid olduğu ehtimal edilən hamamların daşınmaz tarix və mədəniyyət abidələrinin siyahısına daxil edilməsi məqsədi ilə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən müvafiq işlər həyata keçirildiyini nəzərə alaraq, həmin ərazilərə baş çəkdik.
