ain.az xəbər verir, Kulis.az saytına əsaslanaraq.
Kulis.az Firidun Ağazadənin "Fikrət Qocanın kötücəsi" şeirini təqdim edir.
Xalq şairi Fikrət Qocanın nəvəsi ABŞ Silahlı Qüvvələrinin zabitidir.
Qloballaşma haqda fikirləşəndə
Qəribə fikirlər gəlir ağlıma.
Barmağımı tətik kimi sıxıb alnıma
Düşünürəm, sən işə bax,
Demək, sərhədlər itir,
Dünya qloballaşır,
Vahid bir məkan olur.
Demək, onda dünya kimi
Zaman da qloballaşır,
Bütöv bir zaman olur...
Demək, innən belə bu zaman nəhri
Keçib sərhədlərin yeddi qatından
Axar qlobal-qlobal.
Dünya bir qlobal pəncərədir,
Hər gələn
Baxar qlobal-qlobal.
Belə qloballaşma nəyimə kar?
Əgər bu gün qızmış ağıllar
Qəzzada ərəbin evini
Yıxar qlobal-qlobal?..
Zaman da qloballaşır,
Yəni, məsələn,
Babamın babasının babası,
Yəni mənim
yeddi arxa dönənim
Şah Xətai zamanında yaşasa da,
Zamanı mənimlə eynidir, demək.
Yəni bu minvalla, Fikrət Qocanın
bu gün Amerikada yaşayan
nəvəsinin nəvəsinin nəvəsi
Kötücəsi, ya yadıcası
Birdən o qədər yadlaşdı ki,
Beş yüz il sonra
Düşmən kəsildi bizə,
Bomba atdı Təbrizə?..
Ey dijital dünya!
Bu qədər yadlaşma kimə gərəkdir?
Kimə lazım belə uzaq yadlaşma?..
Belə qloballaşma?..
Eh, nə bilim, bu da bir sirr,
Yaxşısı bizim məsəldir:
Səksən, doxsan,
Bir gün yoxsan...
“Birinci Türkoloji Qurultay - 100” adlı elektron məlumat bazası istifadəyə verildi
Kevin Speysiyə qarşı növbəti ittiham: "Gücdən sui-istifadə"
“Xalq şairi Hökümə Billuri -100” adlı kitab sərgisi açıldı
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
