Kreml İranın yeni lideri Ayətullah Müctəba Xameneinin müalicə üçün Moskvaya gəldiyi iddia edilən məlumatlara münasibət bildirməyib.
Bu barədə Rusiya prezidentinin mətbuat katibi Dmitri Peskov açıqlama verib, Oxuməni.az TASS-a istinadla xəbər verir.
"Biz belə xəbərlərə heç bir şərh vermirik", - deyə o, müvafiq suala cavab verərkən bildirib.
Daha əvvəl Küveytin "Al-Jarida" qəzeti mənbəyə istinadən, Müctəba Xameneinin yüksək gizli əməliyyat çərçivəsində Rusiya hərbi təyyarəsi ilə Moskvaya təxliyə edildiyi barədə məlumat yayıb.
Xatırladaq ki, martın 10-da Rusiya prezidenti Vladimir Putin və onun iranlı həmkarı Məsud Pezeşkiyan Yaxın Şərqdəki vəziyyətin inkişafını müzakirə ediblər.
Almaz Həsənli
