Yaxın Şərqdə gərginlik pik həddə çatarkən beynəlxalq mediada və sosial şəbəkələrdə İsrail rəhbərliyi ilə bağlı növbəti səs-küylü iddia yayılıb.
NOCOMMENT.az xəbər verir ki, yayılan məlumatlara görə, İran və “Hizbullah” qüvvələri İsrailin Baş naziri Benyamin Netanyahunun öldürüldüyünü iddia ediblər. Qeyd olunur ki, bu, artıq müxtəlif mənbələr tərəfindən Netanyahunun “ölümü” ilə bağlı yayılan doqquzuncu oxşar iddiadır.
Məlumatda bildirilir ki, İran və onun regiondakı əsas müttəfiqi olan “Hizbullah” hərəkatı İsrail hökumət başçısına qarşı həyata keçirilən xüsusi əməliyyatın uğurla nəticələndiyini irəli sürür.
Lakin bu iddialar hələ ki, heç bir rəsmi mənbə və ya müstəqil müşahidəçilər tərəfindən təsdiqini tapmayıb. Beynəlxalq siyasi şərhçilər bu növ xəbərlərin informasiya müharibəsinin bir tərkib hissəsi olduğunu və psixoloji təzyiq məqsədi daşıdığını vurğulayırlar. İsrail tərəfi isə bu tip dezinformasiyaları adətən cavabsız qoyaraq rəsmi fəaliyyətinə davam edir.
Aygün
