"Santos" klubunun hücumçusu Neymarın Braziliya millisinin yaxın yoldaşlıq oyunları üçün heyətə çağırılmamasına münasibət bildirib.
Publika.az xəbər verir ki, 34 yaşlı futbolçu bu barədə "Footmercato"ya açıqlama verib:
"Nəticə etibarilə, milliyə dəvət almamağım məni məyus etdi və üzgünəm. Amma mən gündən-günə, məşqdən-məşqə, oyundan-oyuna fokuslanaraq işləməyə davam edirəm. Diqqətimi itirmirəm. Biz məqsədimizə çatacağıq. Millinin yekun heyəti hələ qarşıdadır".
Braziliya millisi martın 26-da Fransa yığması ilə qarşılaşacaq, aprelin 1-də isə Xorvatiya ilə üz-üzə gələcək.
