Rusiya silahlanma yarışında iştirak etmir. Moskva yalnız öz müdafiə qabiliyyətini ardıcıl olaraq gücləndirir.
Herbiand.az bildirir ki, bu barədə Rusiya Dövlət Dumasının müdafiə komitəsinin üzvü Andrey Kolesnik deyib.
“Amma təbii ki, bizim qeyri-dostlarımız bütün NATO ölkələridir. Onlar özlərini silahlandırır, büdcələrinin daha böyük bir hissəsini hərbi-sənaye kompleksinə ayırmağa çalışırlar. Onlar hərbi-sənaye kompleksində iştirak edən korporasiyalarını gücləndirirlər, - deputat qeyd edib.
Kolesnik həmçinin hesab edir ki, məhz NATO ölkələri yeni silah növlərinin hazırlanması üzərində fəal işləyirlər: “Əsas narahatedici məsələ isə bir neçə Avropa ölkəsinin öz ərazilərində nüvə silahları yerləşdirmək təşəbbüsüdür. Nümunə olaraq Polşanı göstərə bilərəm. Onların hakimiyyəti bu məsələni dəfələrlə qaldırıb”.
Deputat vurğulayıb ki, Rusiya yüksək səviyyədə müdafiə potensialını qorumalıdır: “Ölkə hazırda silahlanma baxımından Qərbdən əhəmiyyətli dərəcədə üstünlüyə malikdir”.
Bəxtiyar CƏFƏRLİ
