Çayın yatağı genişlənir, sakinlərin torpaq sahələri isə getdikcə azalır…
NOCOMMENT.az xəbər verir ki, Quba rayonunun Hacıqayıb kəndi ərazisindən keçən Qudyalçay çayında karxanaların fəaliyyəti sakinləri narazı salıb.
Onların iddialarına görə, çayın yatağı bəzi yerlərdə süni şəkildə torpaq sahələrinə doğru yönləndirilir. Nəticədə daha çox çınqıl, eləcə də tikinti üçün digər materialların çıxarılması mümkün olur. Yerli əhali hesab edir ki, bu cür müdaxilələr çayın təbii balansını pozmaqla yanaşı sakinlərə əlavə problemlər yaradır.
Şikayətçilərin sözlərinə görə, çayın yatağının dərinləşməsi səbəbindən sahələrə suyun verilməsində də problem yaranıb.
Ekologiya və Təbii Sərvətlər Nazirliyindən “Xəzər Xəbər”ə bildirilib ki, Nazirliyin Dövlət Ekoloji Təhlükəsizlik Xidmətinin əməkdaşları artıq əraziyə baxış keçiriblər. Qeyd olunub ki, səsləndirilən iddialarla bağlı araşdırma aparılacaq.
Xezerxeber.az mövzu ilə bağlı daha ətraflı videomaterialı təqdim edir.
