Budapeşt enerji təhlükəsizliyini prioritet sayır, Kiyevin tələblərini rədd edir...
Macarıstanın baş naziri Viktor Orban Ukraynanın Rusiya enerji resursları ilə bağlı tələblərini qəbul etməyəcəklərini açıqlayıb.
Poliqon xəbər verir ki, O,rban bu barədə Dunaúyvaroš şəhərində keçirilən seçkiqabağı tədbirdə çıxışı zamanı danışıb.
Orban bildirib ki, Budapeşt ölkənin enerji təhlükəsizliyini riskə atacaq heç bir qərarı qəbul etməyəcək və Ukraynanın təzyiqləri ilə sərfəli enerji mənbələrindən imtina etmək niyyətində deyil. Onun sözlərinə görə, Rusiya ilə enerji əməkdaşlığı Macarıstan üçün iqtisadi baxımdan vacib olaraq qalır.
Baş nazir vurğulayıb ki, enerji məsələləri milli maraqlar çərçivəsində həll olunmalıdır və xarici təzyiqlər bu siyasətə təsir etməməlidir. O əlavə edib ki, Macarıstan vətəndaşlarının rifahı və enerji təminatı hökumətin əsas prioritetlərindən biridir.
Analitiklər hesab edirlər ki, Orbanın bu mövqeyi Avropa İttifaqı daxilində enerji siyasəti ilə bağlı mövcud fikir ayrılıqlarını bir daha üzə çıxarır. Xüsusilə Rusiya enerjisindən asılılığın azaldılması məsələsində üzv ölkələr arasında vahid mövqenin formalaşması çətin olaraq qalır.
Poliqon.info
