"Şokoladnıy zayats" ("Шоколадный заяц") hitinin ifaçısı Pyer Nartsissin adı ölümündən dörd il sonra yenidən xəbərlərdə hallanır. Bu dəfə onun nikahdankənar oğlu Andre Murmanskdakı müvəqqəti saxlama təcridxanasına yerləşdirilib.
Hakimiyyet.az xəbər verir ki, musiqiçinin keçmiş həyat yoldaşı Valeriya Kalaçeva-Şaxrayın sözlərinə görə, gənc oğlan atasının ailəsi ilə görüşmək üçün Rusiyaya turist vizası ilə gəlib. Lakin o, evə qayıtmaqdan imtina edib və hava limanından qaçıb. O, bir neçə ay Sankt-Peterburqda gizlənib, sonra Murmansk vilayətinə gedib. Orada məlum olub ki, onun vizasının müddəti bitib. Andre pasportsuz, pulsuz saxlanılıb, daha sonra deportasiya qərarı verilib.
Məlumata görə, bundan sonra Andrenin Valeriya ilə Kamerunlu qohumları arasında münasibətlər tamamilə pisləşib. Mərhum müğənninin həyat yoldaşı şübhələnir ki, hadisə onun və qızı Karolinanın Pyerin vətənində qoyub getdiyi böyük mirasa qovuşmasının qarşısını almaq üçün qəsdən törədilib. Müğənni sağ ikən Kamerunda torpaq, ev və gəlirli bir biznesə (qarğıdalı və pivə istehsalı) sahib olduğunu iddia edib. Lakin onun ölümündən sonra qızına Moskvada yalnız sadə bir mənzil və müəllif haqlarından gələn qonorarlar qalıb.
Valeriyanın sözlərinə görə, o, qayınanasının Karolinaya miras təklif etməsini üç il gözləyib. Lakin bu baş verməyib. Xəbərdə qeyd olunub ki, Valeriya təslim olmaq niyyətində deyil və ədaləti bərpa etmək üçün vəkillərlə birlikdə Kameruna uçmağa hazırdır.
