BMT-nin Baş katibi Antonio Quterreş Yaxın Şərqdəki münaqişənin həlli səylərinə rəhbərlik etmək üçün şəxsi nümayəndə təyin edib.
Trend-in məlumatına görə, bu barədə A.Quterreş jurnalistlərə açıqlamasında deyib.
"Mən elə indicə münaqişənin və onun nəticələrinin həlli məqsədilə BMT-nin səylərinə rəhbərlik etmək üçün Jan Arnonu şəxsi elçim təyin etdim", - deyə o bildirib.
Qeyd edək ki, Jan Arno 2021-ci ildə Quterreşin Əfqanıstan və regional məsələlər üzrə şəxsi elçisi vəzifəsində çalışıb.
