Ötən il 23,91 milyon turistin gəlişi ilə rekord qıran Yaponiya, əcnəbi axınının qarşısını almaq üçün tədbirlər görməyə başlayıb.Metbuat.az xəbər verir ki, Yaponiyanın qərbindəki tarixi mərkəzlər həm infrastrukturu, həm də yerli sakinlərin həyat keyfiyyətini qorumaq üçün turizmlə bağlı vergiləri və giriş haqlarını əhəmiyyətli dərəcədə artırıb. Yaponiyanın mədəni paytaxtı hesab edilən Kiotoda otellərdə və kirayə əmlaklarında qalan qonaqlar üçün vergi xeyli artıb. UNESCO-nun Dünya İrsi Siyahısına daxil olan və Yaponiyanın ən yaxşı qorunan qəsrlərindən biri Himeji Qəsri də oxşar strategiyaya uyğun olaraq giriş haqlarını artırıb. Yerli sakinlərdən fərqli olaraq əcnəbilərdən iki dəfə çox məbləğ tələb edilir.
