ABŞ yaxın vaxtlarda Yaxın Şərqə əlavə olaraq təxminən 10 min hərbçi göndərə bilər. Məlumata görə, söhbət əsasən piyada qoşunları və zirehli texnikadan gedir.
Mənbələrin bildirdiyinə görə, ABŞ-ın regiondakı hərbi kontingenti gücləndirilə bilər. The Wall Street Journal qəzetinin yazdığına əsasən, Pentaqon Yaxın Şərqə əlavə qüvvələrin göndərilməsi məsələsini nəzərdən keçirir.
Bildirilir ki, ABŞ regiona piyada bölmələri ilə yanaşı zirehli texnika da yerləşdirə bilər. Daha əvvəl isə Yaxın Şərqə 5 min dəniz piyadası və bir neçə min desantçı artıq göndərilmişdi.
Bundan əvvəl ABŞ prezidenti Donald Trump bəyan etmişdi ki, ölkə 6 aprelədək İran ərazisində enerji obyektlərinə zərbələri müvəqqəti dayandıracaq.
