İsrailin Hərbi Hava Qüvvələri İranın Yəzd şəhərində yerləşən raket və dəniz minaları istehsalı zavodunu vurub.
Oxu.Az-ın xəbərinə görə, bu barədə İsrail Müdafiə Qüvvələri (IDF – SAXAL) öz “Telegram” kanalında açıqlama yayıb.
“İsrail Müdafiə Qüvvələri və Hərbi Dəniz Qüvvələri kəşfiyyatının təlimatı ilə hərəkət edən İsrail Hərbi Hava Qüvvələri Yəzddə yerləşən, İran rejimi tərəfindən istismar olunan raket və dəniz minaları istehsalı üzrə əsas obyektə zərbə endirib. İran Hərbi Dəniz Qüvvələri öz raketlərinin və dəniz minalarının əksəriyyətini məhz burada inkişaf etdirir.
Bu zərbə İslam İnqilabı Keşikçiləri Korpusunun (SEPAH) Hərbi Dəniz Qüvvələrinin yüksək rütbəli rəhbərliyinin məhv edilməsi seriyasının bir hissəsidir və hərbi dəniz qüvvələrinin istehsal imkanlarına əhəmiyyətli zərbədir”, – deyə məlumatda bildirilib.
Həmçinin qeyd edilib ki, İsrail Müdafiə Qüvvələri istehsal imkanlarını sarsıtmaq üçün İran rejiminin hərbi sənayesini hədəf almağa davam edir.
Qeyd edək ki, daha əvvəl SAXAL Tehranın mərkəzində İran rejiminin infrastrukturuna genişmiqyaslı zərbələr seriyasını başa çatdırdığını elan etmişdi.
