Gəncə şəhərində yol-nəqliyyat hadisəsi baş verib.
“Unikal”ın bölgə müxbirinin məlumatına görə, qəza şəhərin Şah İsmayıl Xətai prospektində qeydə alınıb. Belə ki, hərəkətdə olan “KIA” və “Chevrolet” markalı minik avtomobilləri toqquşub.
Toqquşma nəticəsində avtomobillərdən biri idarəetmədən çıxaraq yol kənarında olan piyadanı vurub. Hadisə zamanı bir neçə nəfər müxtəlif dərəcəli xəsarətlər alıb.
Yaralılar dərhal xəstəxanaya yerləşdirilib. Qəza yerinə polis əməkdaşları cəlb olunub və faktla bağlı araşdırma aparılır.
Tural Əhmədov
