U-19 millimiz Şimali İrlandiyaya uduzdu, sonuncu oldu

19 yaşadək futbolçulardan ibarət Azərbaycan millisi (U-19) bu gün Avropa çempionatının seçmə mərhələsində son oyununa çıxıb.

Arena.az xəbər verir ki, B Liqasının 6-cı qrupunda yer almış millimiz Litvanın Kaunas şəhərində Şimali İrlandiya yığması ilə qarşılaşıb.

Avropa çempionatının seçmə mərhələsinin birinci raundu çərçivəsində baş tutmuş görüş “Raudondvario” stadionunda keçirilib. Qarşılaşmanı Portuqaliya və Moldovadan olan hakimlər briqadası idarə edib. Görüş rəqibin 2:1 hesablı qələbəsi ilə yekunlaşıb. Millimizin heyətində yeganə qolu 25-ci dəqiqədə Tuncay Əhmədov vurub.

Xatırladaq ki, İlham Yadullayevin baş məşqçisi olduğu Azərbaycan millisi ilk görüşdə meydan sahibi Litvaya da uduzmuşdu – 0:4.

Beləliklə, 3 komandalı qrupda yer almış U-19 millimiz hər iki görüşdə uduzduğu üçün sonuncu yeri tutub.

Avropa çempionatının seçmə mərhələsi
B Liqası, 6-cı qrup
28 mart

Şimali İrlandiya – Azərbaycan 2:1
Baş hakim: Miguel Noqeyra (Portuqaliya).
Baş hakimin köməkçiləri: Paulo Bras (Portuqaliya), Anatolie Basiul (Moldova).
Dördüncü hakim: Yon Orlik (Moldova).
Kaunas, “Raudondvario” stadionu.