ain.az, Moderator.az portalından verilən məlumatlara əsaslanaraq xəbər verir.
Ukrayna Prezidenti Volodimir Zelenski və Bolqarıstanın Baş naziri vəzifəsini icra edən Andrey Qyurov Kiyevdə 10 illik təhlükəsizlik müqaviləsi imzalayıblar.
Moderator.az xəbər verir ki, Zelenski ilə Qyurovun keçirdikləri birgə mətbuat konfransında Ukrayna Prezidenti Bolqarıstan tərəfinə səfər, danışıqlar və əldə olunan razılaşmalar üçün təşəkkür edib. O bildirib ki, iki ölkənin komandaları sənədin hazırlanması üzərində uzun müddət çalışıblar və tərəflər növbəti onillik üçün rəsmi olaraq əməkdaşlığı möhkəmləndiriblər.
Sazişin əsas müddəaları arasında Zelenski Bolqarıstanın Ukraynaya davamlı hərbi dəstəyini qeyd edib. O, həmçinin hər iki ölkədə silahların, xüsusən də dronların birgə istehsalına dair müqaviləni vurğulayıb: "Düşünürəm ki, bu, hər iki ölkəni və xalqı gücləndirir".
Volodimir Zelenski tərəflərin lazımi texniki avadanlıqlarla ilin sonuna qədər hazır ola biləcək enerji dəhlizi üzərində işlədiyini açıqlayıb. "Bu, bizim üçün çox vacibdir, ən azından bəzi Avropa nümayəndələri tərəfindən müəyyən maneələr olarsa, alternativ ola bilər", - deyə o əlavə edib.
Zelenskinin sözlərinə görə, bu, ildə təxminən 10 milyard kubmetr qaz almaq potensialından asılıdır.
Ukrayna Prezidenti, həmçinin rəsmi Sofiyaya gələcəkdə Avropa İttifaqına qoşulmasına ardıcıl dəstəyinə görə təşəkkür edib. O qeyd edib ki, Bolqarıstan Kiyevin Avropaya inteqrasiyası ilə bağlı birbaşa, şəffaf və aydın mövqe nümayiş etdirib.
Daha ətraflı məlumat və yeniliklər üçün ain.az saytını izləyin.
