Tramp aprelin 6-dək İranla saziş bağlamaq istəyir.
Yeniavaz.com xəbər verir ki, bu barədə Ağ Evin mətbuat katibi Kerolayn Livitt jurnalistlər üçün keçirilən brifinqdə bildirib.
Jurnalistlər ondan ABŞ Prezidenti Donald Trampın “Truth Social” sosial şəbəkə hesabında İranın enerji infrastrukturlarına zərbələri 10 gün, yəni 6 aprelə qədər dayandırması ilə ABŞ-nin nəyə nail olmağa ümid etdiyini soruşub. Livitt isə bu suala cavab olaraq, Trampın razılaşma əldə etmək istədiyini qeyd edib.
“Vaxt azalır, cəmi bir həftə qalır. Görək ki, bu 10 günlük müddətdən sonra nə olacaq”, - Ağ Evin mətbuat katibi bildirib.
