Ruanda millisi “FIFA Series-2026” turnirinin finalında Estoniya seçməsi ilə üz-üzə gəlib.
Fanat.Az xəbər verir ki, heyətində Azərbaycan Premyer Liqasında çıxış edən futbolçuların olduğu Afrika təmsilçisi 2:0 hesablı qələbə qazanaraq turnirin qalibi olub.
"Zirə"nin futbolçuları Anje Mutsinzi, Leroy Mikels və onun "Sabah"da oynayan qardaşı Coy Lens Mikels matça start heyətində başlayıblar. "Karvan-Yevlax"ın formasını geyinən üçüncü qardaş Coy Slayd Mikels isə 79-cu dəqiqədə oyuna girib.
Coy Lens Mikels komandasının ilk qolunun məhsuldar ötürməsini edib. Leroy Mikels isə ikinci qolun müəllifi olub. O, qarşılaşmanın ən yaxşı oyunçusu seçilib.
