Bu ilin yanvar ayında Azərbaycana 28 ölkədən toplam 5 milyon 808 min ABŞ dolları dəyərində 1 437 ton şokolad və ondan hazırlanan məmulatlar idxal edilib.
“APA-Economics” bu barədə Dövlət Statistika Komitəsinə istinadən xəbər verir.
Dövr ərzində ən çox şokolad məmulatları Rusiya və Türkiyədən idxal edilib. Belə ki, cari ilin yanvar ayında Rusiyadan Azərbaycana 2 milyon 274,03 min ABŞ dolları dəyərində 676,67 ton şokolad məmulatları idxal edilib. Bu isə illik müqayisədə dəyər baxımından 20,6%, həcm baxımından 38,6% azalma deməkdir. Türkiyədən idxal isə 2025-ci ilin yanvar ayı ilə nisbətdə dəyər baxımından 40,1%, həcm baxımından isə 47% azalıb.
Hesabat ayında Belçikadan Azərbaycana 121,47 min ABŞ dolları dəyərində 6,36 ton şokolad və ondan hazırlanan məmulatlar idxal olunub ki, bu da ötən ilin ilk ayı ilə müqayisədə dəyər baxımından 27,5 dəfə, həcm baxımından isə 13,5 dəfə çoxdur.
"Cebheinfo.az"
