Müəllif: Tamara Mustafayeva, Banco.az
ABŞ-da istehlakçı inamında gözlənilməz artım qeydə alınıb.
Banco.azxəbər verir ki, açıqlanan məlumatlara əsasən, “Conference Board” istehlakçı inamı indeksi fevral ayında yenidən nəzərdən keçirilmiş 91 səviyyəsindən 91,8-ə yüksəlib. “Bloomberg” tərəfindən iqtisadçılar arasında aparılan sorğunun median proqnozu isə 87,9 olub.
Yaxın altı ay üzrə gözləntiləri ölçən göstərici mart ayında 70,9-a qədər azalsa da, cari vəziyyət indeksi artım göstərib.
Mart ayında müşahidə olunan yaxşılaşmaya baxmayaraq, istehlakçılar iş imkanları və inflyasiya ilə bağlı ehtiyatlı mövqe tutduqları üçün etimad səviyyəsi son illərlə müqayisədə aşağı olaraq qalmaqdadır. ABŞ və İsrailin İranla müharibəsi ilə əlaqədar artan benzin qiymətləri, qarşıdakı aylarda qiymət təzyiqlərinin təsirinin daha da güclənəcəyi ilə bağlı narahatlıqları artıra bilər.
“Conference Board”un hesabatında qeyd olunur ki, hazırda iş tapmağın çətin olduğunu bildirən istehlakçıların payı yarım faiz bəndi artaraq 21,5 faizə çatıb. İş yerlərinin çox olduğunu bildirənlərin payı da 27,3 faizə yüksəlib. İqtisadçıların əmək bazarını qiymətləndirmək üçün yaxından izlədikləri bu iki göstərici arasındakı fərq isə demək olar ki, dəyişməyib.
Bizi sosial şəbəkələrdən izləyin!!
