Müəllif: Tamara Mustafayeva, Banco.az
“Airbnb” fərdi avtomobillə qarşılama xidmətini təqdim edir.
Banco.azxəbər verir ki, dünyanın 200-dən çox ölkəsində onlayn yerləşdirmə xidmətləri təqdim edən “Airbnb” 125 şəhərdə fərdi avtomobillə qarşılama xidməti üçün yeni kateqoriya əlavə edərək xidmət imkanlarını genişləndirdiyini açıqlayıb.
“Airbnb”nin Biznesin İnkişafı üzrə direktoru Deyv Stivenson bildirib: “Airbnb xidmətləri qonaqların yerləşmə təcrübəsini yaxşılaşdırmaq üçün nəzərdə tutulub və ‘Welcome Pickups’ ilə tərəfdaşlığımız bunu qonaqların gəldiyi ilk andan etibarən təmin edir”.
“Airbnb”nin baş icraçı direktoru Brayan Çeski 2025-ci ilin dördüncü rübü üzrə maliyyə nəticələrinin müzakirəsi zamanı qeyd edib ki, otel sektorunda imkanlar olduqca genişdir və platforma, qonağın hansı növ yerləşmə seçməsindən asılı olmayaraq, istifadəçinin səyahətinin ayrılmaz hissəsinə çevrilməyi hədəfləyir.
Şirkət istifadəçilərə Paris, Bali və Mexiko kimi şəhərlərdə fərdi avtomobil xidməti sifariş etmək imkanı yaratmaq üçün nəqliyyat xidməti göstərən “Welcome Pickups” ilə əməkdaşlıq edir.
Bizi sosial şəbəkələrdən izləyin!!
