Xırdalan–Masazır–Novxanı avtomobil yolundan ayrılaraq Zəngilan rayonundan olan qaçqın və məcburi köçkünlərin məskunlaşdığı şəhərciyə gedən yolda yaranmış problemin aradan qaldırılması istiqamətində işlərə başlanılıb.
Abşeron Regional Su Meliorasiya Sistemlərinin İstismarı İdarəsindən Far.Az-ə verilən məlumata görə, çökməyə səbəb kanalizasiya kollektorunda baş vermiş qəzanın aradan qaldırılması üçün əraziyə ağır texnika və işçi qüvvəsi cəlb edilib.
***15:53
Xırdalan–Masazır–Novxanı avtomobil yolundan ayrılaraq Zəngilan rayonundan olan qaçqın və məcburi köçkünlərin məskunlaşdığı şəhərciyə gedən yolda çökmə hadisəsi qeydə alınıb.
Far.Az xəbər verir ki, bu barədə Azərbaycan Avtomobil Yolları Dövlət Agentliyi tərəfindən açıqlama verilib.
Hadisə qeydə alınan kimi dərhal əraziyə Agentliyin əməkdaşları cəlb olunub, əlavə təhlükəsizlik tədbirləri görülüb və hərəkətin təhlükəsiz təşkili təmin edilib.
Aparılmış ilkin araşdırmalara əsasən, çökməyə səbəb kanalizasiya kollektorunda baş vermiş qəza nəticəsində suyun yol yatağını yuması olub.
Baş vermiş hadisə ilə bağlı operativ tədbirlərin görülməsi və problemin aradan qaldırılması məqsədilə aidiyyəti quruma dərhal məlumat verilib.
Hazırda ərazidə vəziyyətin tam stabilləşdirilməsi və qəzanın aradan qaldırlması üçün aidiyyəti qurum tərəfindən müvafiq addımlar atılır.
***14:22
Abşeron rayonu Masazır qəsəbəsində "Zəngilan şəhərciyi" ərazisində yeni çəkilən yol qısa müddət sonra çöküb.
Far.Az xəbər verir ki, bu barədə Baku TV məlumat yayıb.
Hazırda yolun bəzi hissələrində ciddi deformasiya müşahidə olunur.
Çökmənin aramsız yağan yağışlarla əlaqədar olduğu bildirilir. Həmçinin qeyd olunub ki, yol 2 ay əvvəl çəkilibmiş.
