Mütəxəssislər bildirirlər ki, keyfiyyətli yuxu sağlam həyat üçün düzgün qidalanma qədər vacibdir. Lakin xüsusilə 50 yaşdan sonra bəzi qidalar fərqinə varmadan yuxu keyfiyyətini ciddi şəkildə azalda bilər.
NOCOMMENT.az xəbər verir ki, İspaniya Nevrologiya Cəmiyyətinin (Spanish Society of Neurology) məlumatına görə, yetkinlərin təxminən 48 faizi kifayət qədər keyfiyyətli yuxu ala bilmirlər. Hətta hər üç nəfərdən biri gecə narahatlıq hissi ilə oyanır. Yuxusuzluğun isə immun sistemini zəiflətdiyi və xroniki xəstəliklər riskini artırdığı xüsusi vurğulanır.
Mütəxəssislər qeyd edirlər ki, yuxu problemi təkcə stress və ya gündəlik rejimlə bağlı deyil, həm də qəbul edilən qidalarla birbaşa əlaqəlidir. ABŞ-nin AARP təşkilatının (American Association of Retired Persons) tövsiyələrinə əsasən, 50 yaşdan yuxarı şəxslər axşam saatlarında bəzi spesifik qidalardan uzaq durmalıdırlar:
Bərk pendirlər: Tərkibindəki tiramin maddəsi ürək döyüntüsünü sürətləndirə və qan təzyiqini yüksəldə bilər.
Pomidor və sitrus meyvələri: Mədə turşusunu artıraraq reflüksə səbəb olur və yuxu prosesini pozur.
Qırmızı və emal olunmuş ət: Gec həzm olunduğu üçün orqanizmi yuxu zamanı da aktiv saxlayır.
Kofeinli içkilər: Qəhvə, çay və kakao beyni stimullaşdıraraq yuxuya getməyi çətinləşdirir./News24.az/
